Тыдзень роднай мовы

План правядзення

ТЫДНЯ РОДНАЙ МОВЫ

ДУА «Сярэдняя школа №1 г.п.Карэлічы»

з 19.02.2024 па 23.02.2024

---

---

19 лютага 2024 года

---

Прэзентацыя Тыдня роднай мовы адбылася каля стэнда «Мовы роднай тыдзень», дзе настаўніца беларускай мовы і літаратуры А.І. Гімпель на працягу дня знаёміла ўсе класныя калектывы з акцыямі, мерапрыемствамі, віктарынамі, гульнямі, конкурсамі, уключанымі ў план тыдня.
Алена Іванаўна запрасіла ўсіх быць актыўнымі, неабыякавымі, размаўляць па — беларуску і шанаваць, любіць, папулярызаваць нашу родную беларускую мову.

---

Адкрыццё выставы «Пісьменнікі — юбіляры 2024»

.  

---

Аукцыён «Растлумач фразеалагізм — атрымай сюрпрыз»

---

Інтэлектуальная гульня «Ведай роднае слова» сабрала вучняў 8 «А», 8 «Б» класаў, якія прадэманстравалі свае веды беларускай мовы, разгадваючы загадкі, рэбусы, шарады, метаграмы.
Віншуем Чура Марыю, вучаніцу 8 «А» класа, якая дала 10 правільных адказаў і стала пераможцай. Узнагарода — 10 балаў па беларускай мове!!!

---

---

20 лютага 2024 года

Наш зямляк Янка Брыль казаў : «Калі я чытаю добрую кнігу, не папракайце мяне ў гультайстве. Не хочаце прызнаць, што я працую, дык думайце, што я малюся – Слову» . Выстава «Кнігі -юбіляры — 2024» нагадвае чытачу аб багатай спадчыне майстроў слова. Чытайце, вучыцеся, спасцігайце…

---

Экскурсія ў этнаграфічны куток «Аб родным краі роднай мовай»

---

Акцыя “Буккросінг: чытаем на роднай мове”

---

Музабоз «Сучасныя беларускія кампазіцыі”
Настаўнікі і вучні на працягу дня спявалі песні на роднай мове, ствараючы атмасферу беларускасці і свята!!!

---

Інтэрв’ю «Загавары па-беларуску» , праведзенае вучаніцай 9 «Б» класа Бязмен Дар’яй з настаўнікамі і вучнямі школы

---

21 лютага 2024 года

День роднай мовы

Рыгор Барадулін пра творчасць Васіля Быкава пісаў: «Нашча трэба чытаць Васіля Быкава. Нашча трэба думаць пра Васіля Быкава. Нашча трэба хінуцца душой да святла слова ягонага».
Увазе вучняў і настаўнікаў прадстаўлена экспазіцыя выставы «Чалавек свайго лёсу», прысвечаная 100 — годдзю з дня нараджэння Васіля Быкава

---

21 лютага вучні 4 «А» класа ўдзельнічалі ў гульнёвай праграме «Наша мова з-пад крыла душы», прысвечанай Міжнароднаму дню роднай мовы. Супрацоўнікі раённай бібліятэкі падрыхтавалі мноства цікавых конкурсаў. Вучні даведаліся гісторыю гэтай даты, з задавальненнем выконвалі розныя заданні: давалі агульную назву прапанаваным словам, перакладалі словы з рускай мовы на беларускую, з літар прапанаванага слова складалі новыя словы, па малюнках расшыфроўвалі фразеалагізмы, выпраўлялі памылкі, успаміналі прыказкі, вызначалі правільнасць сцвярджэнняў, чыталі вершы. І ўсё гэта з радасцю і з задавальненнем! Гучы родная мова!!!

---

Лектарская група ў складзе Трыбуць Юліі і Кулака Івана, вучняў 8 «А»класа , завіталі ў кожны класны калектыў з лекцыяй “ Міжнародны дзень роднай мовы”

---

У рамках Тыдня беларускай мовы і літаратуры 21 лютага 2024 настаўнікі і вучні прынялі ўдзел у напісанні Гродзенскага абласнога дыктанта «Сімвал бязмерных выпрабаванняў беларусаў», прысвечанага Міжнароднаму Дню роднай мовы. І вучні, і настаўнікі мелі магчымасць праверыць веданне роднай мовы.

---

Клубная гадзіна «Мова родная мая». ГПД . Выхавацель Вырко Ларыса Аляксееўна

---

Выхаванцы аздараўленчага лагера «Астравок дзяцінства» прынялі ўдзел у мерапрыемствах, прысвечаных Дню роднай мовы. Цікава і займальна прайшла размова на тэму «Беларусь — мая Радзіма». Працягам размовы стаў конкурс вершаў пра Радзіму.

---

---

22 лютага 2024 года

Вучні прынялі ўдзел у Рэспубліканскім конкурсе «Буслік». Праверылі свае веды па беларускай мове і літаратуры.

---

У рамках Тыдня роднай мовы прайшоў фестываль беларускай песні ў 4 “Б” класе. Песні на роднай мове… Як мілагучна і напеўна яны гучаць. Сапраўдная асалода для душы і сэрца!

---

---

23 лютага 2023 года

На працягу Тыдня роднай мовы праходзіла акцыя «Інстаграм па-беларуску», якая садзейнічала папулярызыцыі беларускай мовы ў сацыяльных сетках. Самымі актыўнымі былі вучні 6 «А» класа, якія размясцілі фота на сваіх старонках у Інстаграм.