21 лютага - дзень роднай мовы - Государственное учреждение образования "Средняя школа №1 г.п.Кореличи"

План правядзення Дня роднай мовы

ў дзяржаўнай установе адукацыі

“Сярэдняя школа №1 г.п. Карэлічы”

2022/2023 навучальны год

21 лютага

Дзень роднай мовы

№	Мерапрыемствы	Удзельнікі	Адказныя
1	Акцыя “Пераходзь на беларускую”	7 “А” клас	Гімпель А.І.
2	Абвяшчэнне аб Дні роднай мовы	7 “А” клас	Гімпель А.І.
3	Гродзенскі абласны дыктант да Міжнароднага дня роднай мовы	10, 11 класы, бацькі	Гурын Н.І.
4	Прэзентацыя стэнда “Ёсць імёны і ёсць такія даты: юбіляры-пісьменнікі 2023 года”	10 клас	Гурын Н.І.
5	Воблака слоў “Роднаму слову прызнанне ў любові”	8 “А” клас	Гурын Н.І.
6	“Жывая класіка”. Чытанне вершаў беларускіх паэтаў	11 клас	Гурын Н.І.
7	Чэлендж “ Пэтычны дзень з роднай мовай”	5-ыя класы	Гімпель А.І.
8	Адкрыты ўрок па беларускай літаратуры “М.Лынькоў. Апавяданне “Васількі”. Трагічны лёс дзяцей у гады Вялікай Айчыннай вайны”	5 “А” клас	Гімпель А.І.

На базе ДУА “Сярэдняя школа №1 г.п.Карэлічы” прайшоў абласны дыктант

“Хто забыў сваіх продкаў – сябе згубіў, хто забыў сваю мову – усё згубіў”, — пісаў Уладзімір Караткевіч.

21 лютага — Міжнародны дзень роднай мовы. З гэтай нагоды на базе ДУА “Сярэдняя школа №1 г.п.Карэлічы” прайшоў абласны дыктант. Пісалі яго 30 чалавек: за партамі працавалі і педагогі, і вучні, і іх бацькі, і супрацоўнікі ўпраўлення адукацыі і ўпраўлення па працы, занятасці і сацыяльнай абароне Карэліцкага райвыканкама, і работнікі школы. Работа “Музейная гара“ аб’яднала дзяцей і дарослых пачуццём гонару за Гродзеншчыну і яе славутых асоб, яе гісторыю.

Пасля напісання была арганізавана самаправерка па ўзоры.

Гавораць удзельнікі абласнога дыктанта

Богуш Іна Аляксандраўна, начальнік упраўлення па працы, занятасці і сацыяльнай абароне Карэліцкага райвыканкама:

— Не магла не прыйсці сёння на значнае мерапрыемства – напісанне дыктанта ў Міжнародны дзень роднай мовы.

Хваляванне прысутнічала, таму што шмат гадоў у гэтай школе я працавала настаўнікам беларускай мовы і дыктавала сама.

Вельмі вялікі сэнс тэкста, які быў прапанаваны.

Родная мова мілагучная, цудоўная, словы быццам аксаміты, бальзам для душы. Шануйце, любіце і цаніце родную мову!

Вярбіцкая Алена Аляксандраўна, дырэктар ДУА “Сярэдняя школа №1 г.п.Карэлічы”:

— Прыемна было бачыць разам вучняў і педагогаў. Пачуццё гонару за славутую гісторыю Гродзенскага краю аб’яднала нас.

Лёгкае хваляванне не пакідала мяне, бо я дырэктар і настаўнік рускай мовы і літаратуры. Справілася добра.

Вялікі дзякуй за гэтыя 45 хвілін, якія сталі асабіста для мяне імгненнямі паразумення і суладдзя, радасці і шчасця звацца беларусам, ганарыцца знакамітымі асобамі, цудоўнай гісторыяй роднага краю.

Шавейка Лізавета, вучаніца 11 класса ДУА “Сярэдняя школа №1 г.п.Карэлічы”:

— 21 лютага адзначаецца Міжнародны дзень роднай мовы. З прапановай увесці такі дзень выступіла краіна Бангладэш. Там 21 лютага 1957 года, адстойваючы права вучыцца на роднай мове, загінулі пяць студэнтаў.

Сёння у свеце налічваецца больш за шэсць тысяч моў. Палова з іх знаходзіцца пад пагрозай знікнення. Дзеля іх захавання і быў абвешчаны Міжнародны дзень роднай мовы.

Гэта свята спрыяе таму, каб людзі задумаліся пра лёс роднай мовы, на якой вымавілі першае слова, на якой размаўлялі іх продкі.

Упершыню мне пашанцавала прыняць удзел у такім мерапрыемстве. У класе побач са мной пісалі дыктант не толькі мае аднакласнікі, а таксама настаўнікі, бацькі, прадстаўнікі іншых устаноў, якія неабыякава адносяцца да роднай мовы, культуры. У гэты час, лічу, кожны адчуў сувязь са сваёй радзімай, са сваімі продкамі.

Беражыце РОДНУЮ МОВУ! Размаўляйте па-беларуску!